到底扮咩先可以喺万圣节突围而出呢？无论你扮小丑女又好PPAP怪叔叔又好，始终都係扮紧人哋，所以点扮都係失败！最特别嘅，一定係咩都唔扮，做返自己！

日本有个喺东京大学毒紧教育系2年级嘅毒L高桥就决定大大只字写住「童贞」喺心口，希望经过呢一晚之后，可以唔再係童贞之身喇！

不过咁係未够嘅，唔通班妹猪见你係童贞男就会就地正法咩？所以佢就準备咗120张写咗自己twitter同line ID嘅卡片周街派，谂住妹猪们可以第日搵返佢联谊下～哗，单係个title「高学历童贞」都不得了啦，你玩晒啦细佬！

万圣节嗰晚，差唔多成街嘅男仔都係playboy咁款，突然有个童贞男一碌木咁企喺度，简直好似清泉咁呀！高桥果然吸引到好多妹猪主动同佢合照，呜呀，啲兔女郎同小恶魔又索又卡哇依，想葡萄死人咩！

咦？呢张卡片咁熟口面嘅？

咦…点解…佢喺地下…孤伶伶咁嘅……

物似主人形，原来可怜嘅卡片，畀人扔咗落地，就同高桥嘅命运一样，畀人遗忘……高桥话，之后完全冇人add佢，表示觉得自己係零。唔好咁sad啦，毛毛咪又一样毒L一个，好明白地方的童贞男需要温暖嘅感觉，不如畀张卡片我，等毛毛安慰下你啦？嘻嘻。

封面图片、资料来源连结：tonbonline／twitter、SPOT